Rais Magufuli awataka wahandisi nchini kufanya kazi kwa weledi na uadilifu.

Rais wa Jamhuri wa Muungano wa Tanzania Dkt. John Pombe Magufuli akiongea na wakandarasi nchini na kuwataka kufanya kazi kwa weledi na uadilifu ili kuiwezesha nchi kufikia uchumi wa kati kupitia ujezi na uendelezaji viwanda.

Waziri wa Ujenzi,Uchukuzi na Mawasiliano Prof Makame Mbarawa akiongea wakati wa ufunguzi wa Mkutano wa Kumi na Nne wa Bodi ya Wahandisi nchini leo JIjini Dar es Salaam, ambapo aliahidi kuendelea kutoa ushirikiano kwa wakandarasi nchini katika kutimiza majukumu yao.

Mwenyekiti wa Bodi ya Wahandisi, Mhandisi Prof.Ninatubu Lema akiongea wakati wa Ufunguzi wa Mkutano wa Kumi na Nne wa Bodi ya Wahandisi na kumuomba Rais Magufuli kutoa nafasi kwa wahandisi wa ndani kushiriki katika miradi mikubwa ili kujifunza kupitia miradi hiyo.

Rais wa Jamhuri wa Muungano wa Tanzania Dkt. John Pombe Magufuli akiwakabidhi zawadi baadhi ya wanafunzi waliofanya vizuri katika masomo yao

Rais wa Jamhuri wa Muungano wa Tanzania Dkt. John Pombe Magufuli akimueleza jambo Mwenyekiti wa Bodi ya Wahandisi, Mhandisi Prof.Ninatubu Lema

Mwenyekiti wa Bodi ya Wahandisi, Mhandisi Prof.Ninatubu Lema akimkabidhi Rais wa Jamhuri wa Muungano wa Tanzania Dkt. John Pombe Magufuli hundi ya shilingi milioni Miamoja kwa ajili ya ununuzi wa vifaa vya maabara katika shule za sekondari nchini.

Rais wa Jamhuri wa Muungano wa Tanzania Dkt. John Pombe Magufuli akitembelea baadhi ya mabanda wakati wa ufunguzi wa Mkutano wa Kumi na Nne wa Bodi ya Wahandisi nchini leo JIjini Dar es Salaam.

Baadhi ya waandisi wakila kiapo cha kiapo cha utii katika kazi ya uhandisi mbele ya Rais wa Jamhuri wa Muungano wa Tanzania Dkt. John Pombe Magufuli.

Rais wa Jamhuri wa Muungano wa Tanzania Dkt. John Pombe Magufuli akisalimiana na baadhi ya wahandisi kutoka nje ya nchi.

Rais wa Jamhuri wa Muungano wa Tanzania Dkt. John Pombe Magufuli akiwa katika picha ya pamoja na wakandarasi waliohudhuria mkutano huo.

Picha na Hassan Silayo
 

Na Sheila Simba-MAELEZO

Rais wa  Jamuhuri ya Muungano wa Tanzania Dkt John Magufuli amewataka wahandisi nchini kufanya kazi kwa weledi na uadilifu ili kuiwezesha nchi kufikia uchumi wa kati kupitia ujezi na uendelezaji viwanda.

Amesema hayo leo jijini Dar es salaam katika mkutano wa 14 wa Bodi ya Wahandisi  Nchini,na kuwaasa kutumia taaluma yao kusaidia nchi kufikia uchumi wa kati ili kuleta  maendeleo kwa haraka kwa watanzania.

“Mkiamua nchi iende kwenye uchumi wa kati inawezekana lakini kama mtaamua isiendi pia inawezekana hivyo basi uzalendo unahitajika katika kufanya kazi na kufikia malengo tuliyojiwekea,”Alisema Rais Magufuli.

Aidha amewataka kufanya kazi kwa ushirikiano,kujitambua na kuaacha ubinafsi miongoni mwao hasa kwenye utendaji kazi na miradi ya maendeleo.

“Tumemsikia Waziri akisema serikali inamapango wa kukarabati na kununua meli mbili, wahandisi jiulizeni mmejipangaje kutumia fursa hii kwa kuomba tenda na naamini serikali haiwezi kukataa ombi hasa kwa wahandisi wa ndani”Alisema Rais Magufuli

Akimkaribisha rais Magufuli katika mkutano huo waziri wa Ujenzi,Uchukuzi na Mawasiliano Prof Makame Mbarawa alisema kuwa licha sekta ya miundo mbinu kufanya vizuri hasa ya ujenzi wa barabara kwa kiwango cha lami,Serikali itaendelea kulipa kipaumbele ujenzi wa barabara kuanzia  viijiji,Halmashauri na za mikoa.

“Serikali inafanya jitahada kujenga miondo mbinu imara ili kurahisisha usafiri wa kutoka sehemu moja kwenda nyinfine na ukarabati wa kiwanja cha ndege cha Dodoma umekamilika kwa asilimia 98,” Alisema Prof. Mbarawa.

Kwa upande wake mwenyekiti wa Bodi ya Wahandisi, Mhandisi Prof.Ninatubu Lema amemuomba Rais kutoa nafasi kwa wahandisi wa ndani kushiriki katika miradi mikubwa ili kujifunza kupitia miradi hiyo.

Aidha  Mhandisi Lema kwa niaba ya bodi hiyo wametoa kiasi cha fedha shilingi milioni 100 kwaajili ya kusaidia katika ununuzi wa vifaa vya maabara kwa shule za sekondari nchini.

akizungumza katika mkutano huo Mkuu wa mkoa wa Dar Es Salaam Mhe.Paul Makonda alitangza tarehe mosi oktoba kuwa siku ya kupanda miti katika mkoa wa Dae Es Salaam.

“Katika kuhakikisha miundo mbinu inakua safi natangaza rasmi hapa tarehe mosi oktoba itakua ni siku ya kupanda miti katika mkoa wa Dar Es Salaamu na kampeni hiyi itaitwa MTI WANGU”alisema Makonda