UTOAJI WA MALALAMIKO NA KERO JUU YA HUDUMA ZA AFYA NCHINI PAMOJA NA MASUALA YA JINSIA, WAZEE NA WATOTO

JAMHURI YA MUUNGANO WA TANZANIA

WIZARA YA AFYA, MAENDELEO YA JAMII, JINSIA, WAZEE NA WATOTO

   

UTOAJI WA MALALAMIKO NA KERO JUU YA HUDUMA ZA AFYA NCHINI PAMOJA NA MASUALA YA JINSIA, WAZEE NA WATOTO

Wizara ya Afya, Maendeleo ya Jamii, Jinsia, Wazee na Watoto inayo dhamana ya kusimamia na kuratibu Mipango, Sera, Sheria na Mikakati mbalimbali inayolenga kuboresha utoaji wa huduma za afya nchini pamoja na kujenga jamii ya watanzania inayojali na kuheshimu Usawa wa Jinsia, Haki za Wazee na Watoto.

Katika utekelezaji huu, yapo mafanikio kadhaa yaliyopatikana lakini pia zipo changamoto mbalimbali zinazojitokeza katika utoaji wa huduma za afya hapa nchini. Baadhi ya changomoto hizo ni za kiutendaji zaidi ambazo zinaweza kutatuliwa kwa haraka endapo tutaimarisha usimamizi na uwajibikaji katika kila ngazi kuanzia ngazi ya Wizara, Mikoa, Wilaya na Vituo vya kutolea huduma za afya. Changamoto hizi ni pamoja na wagonjwa kutopatiwa huduma haraka na sahihi, lugha na kauli mbaya kutoka kwa watoa huduma na makundi yanayotakiwa kupata matibabu bure (yaani Wazee, Wajawazito na Watoto wa umri wa chini ya miaka 5) kutozwa fedha kinyume na Sera ya Afya ya 2007). Takribani kila siku vyombo vya habari vimekuwa vikiripoti matukio kadhaa kuhusu malalamiko na kero mbalimbali wanazokumbana nazo wananchi  katika kupata huduma za afya.

Wasimamizi wa Wakuu wa Utekelezaji wa Sera na Miongozo ya Afya katika ngazi ya Mikoa ni Waganga Wakuu wa Mikoa. Ili kuhakikisha wananchi wanapata huduma bora za afya pamoja na kuhakikisha malalamiko na kero zao zinashughuhulikiwa kwa haraka, Waziri wa Afya, Maendeleo ya Jamii, Jinsia, Wazee na Watoto, Mhe. Ummy Mwalimu (Mb) ameamua kuweka wazi namba za simu za Waganga Wakuu wa Mikoa (RMO) wote nchini ili wananchi wanapokuwa na malalamiko/kero waweze kuwasiliana nao moja kwa moja. Mhe Waziri amewataka Waganga Wakuu wa Mikoa kuyafanyia kazi masuala yote yanayoletwa na wananchi katika Mikoa yao na kuyapatia ufumbuzi haraka. Hivyo, wananchi wasisite kuwasiliana nao kupitia namba zao zifuatazo pamoja na kwa barua pepe.

Katika muktadha mzima wa kuongeza uwazi na uwajibikaji katika usimamizi wa Sheria na Sera za Afya, Maendeleo ya Jamii, Jinsia, Wazee na Watoto nchini, mwananchi yoyote ambae ana malalamiko, maoni au ushauri kuhusu sekta husika unaweza kuwasiliana moja kwa moja na Mheshimiwa Waziri, Ummy Mwalimu (Mb) kupitia simu namba 0746 – 505030 (kwa njia ya ujumbe) pamoja na kueleza mkoa uliopo, twitter @wamjw na email: waziri@moh.go.tz

“Uwazi na Uwajibikaji ni chachu ya kuleta mabadiliko katika sekta ya afya, sambamba na kulinda Haki za Watoto, Wazee na Wanawake”.

MAWASILIANO NA WAGANGA WAKUU WA MIKOA (RMOs)

NA.	MKOA	JINA LA MGANGA MKUU	NAMBA YA SIMU	NUKUSHI
1.	ARUSHA	DKT. FRIDA MOKITI	0784-264750	fridamokiti@yahoo.com.
2.	DAR ES SALAAM	DKT. GRACE MAGEMBE	0767-300234	magembegrace@yahoo.com
3.	DODOMA	DKT. JAMES CHALRES	0784-504955	jcrexford@yahoo.com
4.	IRINGA	DKT. ROBERT M. SALIM	0754-377176	saludimwe@yahoo.com
5.	KAGERA	DKT. THOMAS RUTACHUNZIBWA	0754-803729	thomasruta@yahoo.com
6.	KIGOMA	DKT. PAUL CHAOTE	0755-696855	pchaote@gmail.com
7.	KILIMANJARO	DKT. BEST MAGOMA	0754-621046
8.	LINDI	DKT. SONDA YUSUPH	0653-384350	sonda_y@yahoo.com
9.	MANYARA	DKT. SUNGWA KABISSI NDAGABWENE	0713-450765	Mas19730ok@yahoo.co.uk
10.	MARA	DKT. SAMSON WINANI	0784-450425	sam.winani@yahoo.co.uk
11.	MBEYA	DKT. SEIF MHINA	0767-832275	sbmhina@gmail.com
12.	MOROGORO	DKT. JACOB FRANK	0767-985850
13.	MTWARA	DKT. WEDSON SICHALWE	0755-048787
14.	MWANZA	DKT. LEONARD SUBI	0784-501020	subileon@yahoo.com
15.	PWANI	DKT. BEATRICE BYARUGABA	0784-319764	bykami@yahoo.com
16.	RUKWA	DKT. JOHN GURISHA	0784-216008	igurisha@yahoo.com
17.	RUVUMA	DKT. DAMAS KAYERA	0713-537495	dajkay@gmail.com
18.	SHINYANGA	DKT. NTULI KAPOLOGWE	0654-586346	nkapologwe2002@gmail.com
19.	SIMIYU	DKT. MAGEDA KIHULYA	0754-507875	mkihulya@yahoo.com
20.	SINGIDA	DKT. JOHN MWOMBEKI	0786-103225	johnmwombeki@yahoo.co.uk
21.	TABORA	DKT. GUNINI KAMBA	0783-344079	gunini@yahoo.com
22.	TANGA	DKT. ASHA MAHITA	0715-465521	ashamahita@yahoo.co.uk
23.	GEITA	DKT. JOSEPH KISALA	0788-046787	joskisala@gmail.com
24.	KATAVI	DKT. YAHYA HUSSEIN	0754-372772	hyahaya70yahoo.com
25.	NJOMBE	DKT. SAMUEL MGEMA	0757-226806	mgemasamuel@gmail.com

IMETOLEWA TAREHE 22/08/2016